Is "Arrugas" de Marina Cafè Noir

(IlMinuto) – Casteddu, 5 de su mesi de cabudanni - De su 15 a su 18 de su mesi cabudanni torrat in su bixinau de sa Marina de Casteddu su Festival de Literaduras "Applicate" aprontau de s'Assótziu Culturali Chourmo. Lòmpiu a sa nona editzioni sua, ocannu su Marina Cafè Noir at a chistionai de "Arrugas".S'avenimentu, chi si sboddiat in is arrugas, in is pratzas, in is tzilleris e in is butegas de is artesanus de su bixinau istóricu de Casteddu, at a biri sa participatzioni de artistas de importu mannu, de artesanus, iscridoris e musicistas chi atressu de is caminus artísticus chi ant fatu ant a fueddai a su púbblicu de is "arrugas" insoru.