Avenimentus: in Norghìddo su "Festival dell'Immagine e del Design Interattivo"

(IlMinuto) – Casteddu, 22 de su mesi de cabudanni - Un'atopu de importu mannu po chistionai de "sostenibilità" sotziali e ambientali su chi s'at a tenni de su 30 de su mesi de cabudanni a su 2 de su mesi ledàminis in Norghìddo. Is traballus ant cumentzai de is 11.00 in is aposentus de sa Saba Consiliari de su Comunu, cun s'obertura de is mostras de fumentus dedicadas a "I supereroi: da Flash Gordon a Kick-Ass" e a s'"insostenibilità" de sa gherra: "I fumetti nella Prima Guerra Mondiale" e a "I Giornali di Trincea". Is aparadas funt aprontadas de Roberto Manca e Raffaele Piras. S'avenimentu si presentat a su públicu cun d-unu calendàriu arricu de butegas a gratis dedicadas a su disinnu. S'iscritzioni est obligatoria, s'ant podi iscriri scéti 10 scientis e dónnia butega est de duas oras, cun atopus e presentadas de òperas. In su mantessi tempus in sa bidda in provìntzia de Aristanis s'at a podi bisitai puru sa "Fiera della Sostenibilità".

Po ndi sciri de prus telefonai a su 0785 51991, o scriei a s'indiritzu: info@comune.norbello.or.it