Traballu: ddoi funt modulus po sa dimanda de is sussidius istraordinàrius

21 Cabudanni 2011
Image
sussidi-straordinari.jpg
(IlMinuto) – Casteddu, 21 de su mesi de cabudanni - Is traballadoris chi no tenint títulu po pigai is amortitzadoris sotzialis - o chi no pigant su stipendiu assumancu de tres mesis - podint fai dimanda de is sussidius istraordinàrius prevìdius de sa lei regionali 3 de su 2008, cumpilendi is modulus chi s'agantant in s'Assessorau regionali de su Traballu. "Su sussidiu - si ligit in d-una nota - podit essi donau scéti una borta. Fintzas a fai trintacincu annus at essi arreconnotu unu sussudiu de 600 eurus po ses mesis (800 eurus po chini tenit a sa família a is pabas). Chini tenit de prus de 35 annus at a pigai unu sussidiu de 800 eurus, po unu tempus chi no siat prus mannu de ses mesis". Is beneficiàrius de su sussidiu istraordinàriu ant a depi "traballai" in faori de un'enti púbblicu. Is dimandas de sussidiu ant a depi essi presentadas in sa sedi de s'assessorau regionali de su Traballu, in bia XXVIII fiàrgiu 1, in Casteddu.
© RIPRODUZIONE RISERVATA
Tags