Football americanu: Crusaders Casteddu 6 - Daemons Martesana 48

(IlMinuto) – Casteddu, 19 de su mesi de ledàminis - Sderrota manna in domu po is Crusaders Casteddu in su Campionau italianu "High school" de football americanu po piciocus chi tenint de mancu de 18 annus. Domínigu passau, in su campu sportivu Eliseo Corona de Paùli, sa scuadra sarda est stétia binta po 48 a 6 de is Daemons Martesana."Is Daemons – comentat su vici presidenti Dario Mannoni – funt stétius prus bavus meda, perou sa nostra est una scuadra giovunedda. Domínigu passau at pigau una bella pistada cun d-unu puntegiu chi no est su sólitu nostru. Is Crusaders perou crescint diri po diri e si bit giai calencuna cosa de bellu".