Sardus in su mundu: sa Fasi a cungressu po elìgiri a su presidenti nou

(IlMinuto) – Casteddu, 10 de su mesi de ledàminis - Atopu de importu mannu po is assótziu de is emigraus sardus in Itàlia. Su Cungressu de sa Fasi chi s'at a tenni intre pagus tempus - in programa in Abano Terme de su 21 a su 23 de su mesi de ledàminis - at a discuti su documentu "Progettare il futuro. Il contributo dei sardi nel mondo nei tempi di crisi" e at elìgiri su presidenti nou, chi at a pigai su postu de Tonino Mulas chi est spaciendi su segundu mandau a sa ghia de sa federatzioni de is assótzius de is sardus in Itàlia.