Imparu: in Casteddu cunvennu asuba de s'impitu de su sardu in s'iscola e in s'Universidadi

(IlMinuto) – Casteddu, 10 de su mesi de totussantus - "S'impitu de su sardu veiculare in s'iscola e in s'universidadi". At essi custu su tema de su cunvennu in progama cenàbara 11 e sàbudu 12 de su mesi de totussantus in sa saba cunvennus de s'Hotel Reina Margherita, in Casteddu. Duas diris po chistionai de s'impitu de su sardu in su mundu de s'imparu, s'avenimentu at essi presentau de Giuseppe Corongiu de sa diretzioni generali de s'assessorau a sa Cultura de sa Regioni Sardìnnia. At a oberri is traballus in programa su relatu "No scideus comenti ddu scriri, duncas no ddu fueddaus: milla e un'arreghèscia po unu suìcidiu linguìsticu", de Michele Loporcaro de s'Universidadi de Zurigu. Su convennu asuba de s'impitu de su sardu in s'universidadi e in s'iscola fait parti de su progetu Fils.