Mostras: in Casteddu "LIBELLULE" de Andrea Rattu

(IlMinuto) – Casteddu, 9 de su mesi de totussantus - "LIBELLULE": est custu su títulu de mostra fotografica de Andrea Rattu oberta oi in sa Libreira Murru, in Casteddu. Is baballotis funt stétius pigaus in s'area amparada de su Parcu Regionali Molentargius-Salinas lamada "Ecosistemafiltro", giassu artifitziali de pagu prus de 36 ètarus nàsciu de pagu tempus e insertau intre de unu sistema de àcuas drucis ('Bellarosa Minore') e unu de àcuas salmastras ('Bellarosa Maggiore'). Sa sensibilidadi de is parixeddus - si ligit in d-una nota - est acapiada "a sa calidadi de is 'habitat', su ciclu biòlogicu insoru e sa fatzilidadi de arreconnoscimentu, ddas bint comenti protagonistas in s'avaloramentu de is cambiamentus ambientalis". "Libellule" s'at podi amirai fintzas a su 19 de su mesi de totussantus de is 8.30 a is 13.00 de is 16.30 a is 20.30 totus is diris atzetuau su gióbia e su cenàbara a merì e  totu su domínigu.