"Su mortu mortu": in su Museu deleddianu de Nùgoro sa circa traditzionali de is pipius

(IlMinuto) – Casteddu, 1 de su mesi de totussantus - Nùgoro afestat "Su mortu mortu". De su primu a su 4 de su mesi de totussantus S'Isre at arregallai a totus is pipius chi ant a andai in su Museu deleddianu drucis e fruta sicada, unu donu connotu comenti su mortu mortu, presenti traditzionali fatu po afestai a is mortus. Is pipius ant a podi arriciri su mortu mortu - si ligit in d-una nota - "bisitendi su Museu impari cun is familiaris o is maistus". Is classis interessadas a pigai parti a su mortu mortu ant a depi tzerriai a su númeru 0784 258088. Su Museu at essi obertu totus is diris de is 9.00 a is 13.00 e de is 15.00 a is 17.00. S'intrada est gratis.