Ambienti. Sa denúntzia de su Grupu de interventu giurídicu: "Perígulu ciumentu po Piscinas e Ingurtosu"

(IlMinuto) – Casteddu, 22 de su mesi de paschixèdda - In Piscinas e Ingurtosu s'est sboddiendi un'"assachizamentu imobiliari" in prena arrégula. Ddu faint sciri cun d-una nota is assótzius ambientalistas Grupu de interventu giurídicu e Amigus de sa Terra, ponendi in su giassu de su Gig un'artículu de Paolo Matteo Chessa apitzus de su progetu de sa Matsa group srl, publicau in is diris passadas in sa "Nuova Sardegna". Su tretu protagonista est tutelau de s'avincu paisagisticu e de s'avincu idrogeologicu e - a cantu narat sa forestali - fintzas a imoi no funt lompias dimandas po otèniri su permissu po custu progetu. "Amigus de sa Terra e Grupu de interventu Giurídicu - si ligit in d-una nota publicada in su giassu de su Gig - ant a fai de totu po amparai una de is prendas ambientalis prus importantis de su Mediterràneu".