"Artists in Resistance": in Pòrtu Turre mostra e dibàtidu po chistionai de 30 annus de impestadura. Is aprontadoris: "Progetu censurau"

19 Mese de idas 2011
Image
progetto-225x300.jpg
(IlMinuto) – Casteddu, 19 de su mesi de paschixèdda - Una mostra documentària e unu dibàtidu públicu po chistionai de is trint'annus de impestadura fatus de s'industria in Pòrtu Turre. Custu su coru chi at fatu movi "Artists in Resistance", su progetu promòviu de su colletivu artístigu Az.Namusn.Art po cenàbara passau 16 de su mesi de paschixèdda in sa Turri Aragonesa, po s'obertura de su protzessu a unus cantu capus mannus de su grupu Eni cun s'acusa de "disastro ambientale e concorso continuato e consapevole in avvelenamento doloso di sostanza destinate all'alimentazione". Unu progetu chi est stétiu cuadu de is "mass media". "Artists in Resistance - si ligit in d-una nota de imprenta - sa mostra innui seis stétius cumbidaus, est stétia censurada de is abisóngius de unu grupu de poderi fatu de pagu genti [...]". Obietivu de su progetu furiat difatis su de acapiai s'arti a s'informatzioni e a sa denúntzia de is efetus de s'impestadura, "trint’annus de impestadura cun dannus a sa cadena alimentari, trint'annus de isfrutamentu de su territóriu", própriu in sa diri de obertura de su protzessu.
© RIPRODUZIONE RISERVATA
Tags