Cuferéntzia asuba de sa Língua sarda in S'Alighera. Su Comitadu: "Dúbius apitzus de su pranu Iscola digitali e Universidadi de Tàtari"

(IlMinuto) – Casteddu, 14 de su mesi de paschixèdda - Su 9, 10 e 11 de su mesi de paschixèdda in S'Alighera s'est tenta sa Cuferéntzia regionali de su 2011 asuba de sa Língua sarda. Su Comitadu pro sa Limba sarda espressat unu giudítziu po su prus positivu de s'atopu, ma no bit beni su rolu de s'Universidadi de Tàtari e no bit beni puru unus cantu de puntus chi s'agantant in su pranu Iscola digitali presentau in sa cuferéntzia etotu. Po su Comitadu difatis "est pagu 1 milioni e mesu de euru donau po sa língua sarda a faci de is 120 milionis de eurus de su progetu totali". Su Comitadu arremaciat unus cantu crítigas a sa política linguìstica de s'Ateneu de Tàtari. "Cuntestaduras mannas - si ligit in su comunicau - e puru zúmius ant aghilliu invecis su relatu de su prof Schirru candu at ammostau is línias prus importantis de su progetu FILS de cursus po professoris in língua sarda in is iscolas de su progetu de s'Universidadi de Tàtari, chi a oi no si scit beni comenti s'at a sboddiai"