Imparu. Su Comitadu: "Língua sarda liada de su Pranu regionali de lota contra a sa spartzinadura iscolastica"

(IlMinuto) – Casteddu, 22 de su mesi de paschixèdda - Su Pranu regionali de lota contra sa spartzinadura iscolastica ndi liat su sardu e is línguas furesteras. Est cantu denuntziat in d-una nota de imprenta Su Comitadu pro sa limba sarda. Su Comitadu - si ligit in d-una nota - "giudicat grai meda ca sa língua sarda e is línguas furesteras no bengant nimencu arremonadas in is orizontamentus operativus po is interventus in faori de is iscolas públicas de dónnia órdini e gradu de sa Sardigna po cumbati sa spartzinadura iscolastica. Su progetu de lota a sa spartzinadura iscolastica aprovau de s'assessorau regionali de sa Pública istrutzioni cun decretu 42 de su 15 de su mesi de totussantus de su 2011 - pretzisat Su Comitadu - "impinniat 14 milionis de eurus po s'annu iscolasticu 2011/2012 istallendi a sa língua sarda comenti chi no esistat.