Ispidalis psichiàtricus giuditziarius: casteddaiu giòvanu internau po duus annus in Montelupo. Caligaris (Sdr): "Sderrota mala po is istitutzionis sardas"

(IlMinuto) – Casteddu, 19 de su mesi de paschixèdda - Unu casteddaiu giòvanu, cun strobus a conca grais, est stétiu internau in s'Ispidali Psichiàtricu de Montelupu Fiorentinu. Ddu fait sciri cun d-unu comunicau de imprenta Maria Grazia Caligaris, presidenti de s'Assótziu "Socialismo Diritti e Riforme". Est - pretzisat Caligaris - "una sderrota grai po is istitutzionis sardas chi cicant solutzionis diversas a is ispidalis psichiàtricus giuditziarius chi iant a depi essi serraus cantu primu". S'ómini, de 34 annus, chentza de una camba, chi sunfrit de "schizofrenia", est stétiu trasladau de sa Comunidadi de Piàghe po essi internau in Toscana, in atuatzioni de unu Pragoni de su Tribunali de Castiamentu de Tàtari.