Operàjus Rockwool: sighit s’ocupatzioni de sa galleria Bidda Marina. Apellu de solidariedadi

19 Mese de idas 2011
Image
operaio-300x231.jpg


(IlMinuto) – Casteddu, 19 de su mesi de paschixèdda - Sighit sa lota de is operàjus Rockwool de Igrèsias. De una cida una dexina de traballadoris at difatis ocupau sa galleria Bidda Marina in sa miniera de Monteponi. Is operàjus - cun is amortitzadoris sotzialis in scadéntzia a su 31 de su mesi de paschixèdda - pedint de essi pigaus in is pranus de bunífica ambientali, ma fintzas a imoi de sa Regioni no funt arribadas is arrespustas chi depiant lompi. Ariseru est cumintzada s'arregorta de adesionis a un'apellu in solidariedadi a is traballadoris. "Agoa de tres annus de càscia de integratzioni longus meda e de cuàturu mesis de [...] promissas acapiadas a sa frecuéntzia de unu cursu "riqualificazione" professionali - si ligit in s'apellu - is 70 operàjus de sa fràbica, fabricada cun su dinai públicu de sa lei 221 (industrializatzioni de is areas minerarias scordonadas) [...] ant detzìdiu de s'inserrai in d-unu tunnel chentza de bessida". Po is adesionis a s'apellu: mail: antonio.tiddia@alice.it tel. 338/5931619




© RIPRODUZIONE RISERVATA