"Progetu Lianora". Cras in Arborea assembrea pública apitzus de su putzu Saras

(IlMinuto) – Casteddu 27 de su mesi de paschixèdda - "Arborea: bidda de lati o bidda de gas?" Est custu su tema de s'assembrea pública in programa po cras in Arborea. A sa cosa, avisada de su comitau cívicu "No al Progetto Eleonora" po chistionai de su progetu de su putzu Saras-Sargas in su tretu amparau de S'Ena Arrúbia, ant a fueddai: Vincenzo Migaleddu, datori radiologu, Bruno Paliaga, biologu e diretori de s'area marina amparada de 'Capo Carbonara' – Crabonaxa, Antonio Soggiu, rapresentanti de s'órdini de is geologus de sa Sardigna e Maria Rita D’Orsogna, maista in sa California State University. Is traballus ant a cumentzai a is 10.00 in su Teatru de is Salesianus de Arborea.