Traballu: in sa provìtzia de Casteddu aumentant is incidentis mortalis. In Sardigna 15 mortus in su 2011

(IlMinuto) – Casteddu, 20 de su mesi de paschixèdda - Mancai sa crisi e s'aumentu de su disimpreu, in is primus 11 mesis in su 2011 is mortus in su traballu in sa provìntzia de Casteddu funt stétius ses, a su dópiu de is registraus in totu su 2010. Su datu, légiu meda, est stétiu fatu connosci de is statisticas de su mesi de s'Osservatóriu Vega Engineering. In Sardigna, de su mesi de gennàrgiu a su mesi de totussantus, ddoi funt stétius 15 incidentis mortalis in totu in su logu de traballu, aici spratzius intre is provìntzias: Casteddu (6), Nùgoro (4), Aristanis (2), Terranòa-Tèmpiu (2), Tàtari (1), Ogiastra (0), Campidanu de Mesu (0), Crabònia-Igrèsias (0).