Cun "S'úrtima nova" su ligidori est protagonista: de lúnis su progetu nou de "IlMinuto" 100 po centu in sardu

(IlMinuto) – Casteddu, 26 de su mesi de gennàrgiu - Ligi, ascurtai, cumentai e annoditzai dógnia diri novas e avenimentus de Sardigna. Funt custas is carateristicas de "S'úrtima nova", su progetu a su 100 po centu in língua sarda chi at a acumpangiai is ligidoris de "IlMinuto" a cumentzai de su 30 de su mesi de gennàrgiu po 45 puntadas. Cun "S'úrtima nova" chini ligit su giornali at a diventai protagonista: de su lúnis a su cenàbara is ligidoris no ant podi scéti ligi e ascurtai is novas, ma ant podi puru espressai in sa língua nostra su parri insoru e  annoditzai a sa redatzioni fatus e avenimentus scriendi in sardu in sa fentana po is cumentus.

"Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda"