"Liberaus a Abdou de s'ispidali psichiàtricu giuditziàriu". Lúnis cuferéntzia de su comitau "Stop Opg"

(IlMinuto) – Casteddu, 13 de su mesi de gennàrgiu - Acrarai is arrexonis de sa mobilitada in agiudu de su liberamentu de Abdou Lahat Diop de is "arroris" de s'ispidali psichiàtricu giuditziàriu. Custu s'obietivu de sa cuferéntzia de imprenta-atopu públicu avisada de su Comitau sardu "Stop Opg" po lúnis chi benit in Casteddu a is 11.00 in sa domu Asarp (padiglioni E de sa Tzitadi de saludi in bia Romagna). "Abdou Lahat Diop, unu piciocu senegalesu de 30 annus - acrarat su rapresentanti de su comitau Roberto Loddo - cun permissu de firmada in régula poita presoneri políticu, est stétiu giudicau no afatenti a tenni unu protzessu giustu, ma prus adatu a is gàbias e s'arrori de s'ispidali psichiàtricu giuditziàriu". Po su Comitau s'arrestu, su protzessu e sa perítzia psichiàtrica de su tzitadinu senegalesu funt pagu crarus. "Est doveri de totus nos - scririt Loddo - frimai s'internamentu de Abdou in s'ispidali psichiàtricu giuditziàriu de Castiglione delle Stiviere e assegurai a Abdou unu protzessu giustu. Eus a fai apellu a su Capu de s'Istadu po un'interventu apretosu".