"No tengu nimancu su dinai po sa binzina". Maista precària chentza de stipendiu de diversus mesis ponit una tenda in su cortili de s'iscola

10 Gennàrgiu 2012
Image
insegnante-300x300.jpg
(IlMinuto) – Casteddu, 10 de su mesi de gennàrgiu - De duus mesis e prus no arricit su stipendiu e in buxaca no tenit nimancu su dinai netzessàriu po sa binzina po andai a traballai. Est custa s'istória de Maddalena Calvisi, 40 annus, maista precària de Marrùbiu, chi de ariseru a merì at postu una tenda in su cortili de s'iscola aundi traballat: s'Istitutu Ténnicu Sergiu Atzeni de Aristanis. "Podiu sceberai scéti intre s'arrenuntzia a sa suplidura o s'irminorigamentu de is ispesas po su trasportu", at pretzisau sa maista, chi at a sighiri a bivi in sa tenda fintzas a candu no at a arriciri su chi ddi tocat. Sa maista, precària de su 2002, at arriciu sa solidariedadi de du Colletivu precàrius de s'iscola de Aristanis, chi ant passau cun issa totu su noti.
© RIPRODUZIONE RISERVATA