Bandus: tucant 24 amaistramentus in sa Provìntzia de su Campidanu de Mesu

(IlMinuto) – Casteddu, 28 de su mesi de fiàrgiu - S'Assessorau a is Políticas e Serbítzius po su Traballu de sa Provìntzia de su Campidanu de Mesu bandit 24 Amaistramentus Formativus e de Orientamentu po is dipromaus e laureaus nous. Sa proposta est fata in su circùitu de su dinai prevìdiu po is interventus de política ativa direta a donai oportunidadis de isvilupu e de amanniamentu po is giòvanus chi funt residentis in su territóriu provintziali. Su bandu - si fait a lei 196 de su 1997 e a su decretu ministeriali de su 1998 - est dirigiu a is meris de traballu, chi ant podi manifestai s'interessu de aghilliri in is istruturas insoru, po ses mesis, novitzius chi apant pigau su diproma o sa laurea de unu períudu no prus mannu de un'annu.