Cuncursus: dedicada a is under sa primu editzioni de su prémiu "Nino Carrus"

(IlMinuto) – Casteddu, 24 de su mesi de fiàrgiu - Tucat sa primu editzioni de su prémiu "Nino Carrus". Ant a podi pigai parti a su cuncursu, dedicau a s'istóricu rapresentanti de sa Dc in Sardigna, is giòvanus laureaus chi no apant fatu 35 annus e chi ant scritu unu sàgiu o in d- un'artículu inéditu is arrasutaus de is circas insoru o de is progetus de circa chi cumproant de tenni una possibilidadi bera de cumprimentu. Is propostas presentadas ant a tenni comenti tema is prospetivas de isvilupu in sa Cultura, in s'Ecunumia, in sa Governance e in s'Innovatzioni de s'internu de sa Sardigna. Su prémiu - acrarant is aprontadoris de s'assótziu "Nino Carrus" bolit essi "un'agiudu a s'isvilupu sotziu-económicu de sa Sardigna Tzentrali e de is areas disvantagiadas de s'Ísula".Podint pigai parti a su cuncursu totus is chi no tenint unu cuntratu a tempus indeterminau (prenu o partziali) in is públicas aministratzionis, in is entis de circa e/o in is universidadis. In totu ant a essi donadas 4 borsas de istudiu de 1000 eurus dognuna. Po podi pigai parti a su prémiu est netzessàriu imbiai sa dimanda intru is 13.00 de sàbudu 19 de su mesi de maju a is indiritzus email: segreteria@ninocarrus.it; info@ninocarrus.it. Po ndi sciri de prus scriri: segreteria@ninocarrus.it e/o info@ninocarrus.it