Mostras: in Igrèsias "TOY CAMERA>VOLTI E DETTAGLI IN HIPSTAMATIC"

(IlMinuto) – Casteddu, 7 de su mesi de fiàrgiu - Est stétia oberta sàbudu passau in Igrèsias (Sabas po is aparadas ex Iscolas Maschili) sa mostra de fotografia fata cun s'Hipstamatic, su programa po iPhone chi permitit de fai màginis chi parrint fatas cun màchinas fotograficas a pellícula. "TOY CAMERA>VOLTI E DETTAGLI IN HIPSTAMATIC", aprontada de Cristina Muntoni, nascit de una bidea de s'assótziu culturali Cinematic Art cun s'agiudu de s'assótziu Remo Branca e cun s'apógiu de s'Assessorau a sa Cultura de su comunu de Igrèsias. 80 is fotografias innovativas fata de màginis stravanadas, caboris àcidus tipicus de is annus '80.Duus is artistas in mostra: su fotografu professionista Adriano Mauri e Roberto Murgia, datori cun sa passioni po sa fotografia. "TOY CAMERA>VOLTI E DETTAGLI IN HIPSTAMATIC" s'at a podi bisitai fintzas a su 18 de su mesi de fiàrgiu de su lúnis a su sàbudu de is 17.00 a is 20.00.