Concursus: a sa XXVII editzioni su Prémiu Literàriu Ntzionali Giuseppe Dessì

(IlMinuto) – Casteddu, 13 de su mesi de martzu - "[...] Su bremi si papat totu sa prupa, lintu e pintu a un'arrentza; agoa bessit e si trasformat in d-una muschixedda chi fait milla e prus de milla ous. Iat a tocai a podi destruiri milionis de muscas. [...]" (Giuseppe Dessì, BIdda de Umbras ).

Lompit ocannu a sa XXVII editzioni su Prémiu Literàriu Ntzionali Giuseppe Dessì, aprontau de sa Fondatzioni Giuseppe Dessì e de de su Comunu de Biddacidru cun s'apógiu de su Consillu Regionali de sa Sardigna, de s'Assessorau Regionali a sa Pública Istrutzioni, de su Ministeru po is Benis e is Fainas Culturali, de sa Fondatzioni Bancu de Sardigna, de s'Aministratzioni Provintziali de su Campidanu de Mesu e de su Consortziu Industriali Provintziali de su Campidanu de Mesu – Biddacidru. Su cuncursu po òperas in língua italiana si sboddiat in duas setzionis, una de narrativa e s'àtera de poesia. Su prémiu Literàriu Giuseppe Dessì, difatis, at essi donau a òperas chi, in su contestu de is duas setzionis, s'iscerant po calidadi literària, puru foras o addia de sa fortuna de is bendidas e sa de sa publicidadi. Is líburus de narrativa e de poesia depint essi imbiaus, in númeru de 11 copias, a sa segreteria de su prémiu intru e no prus a tradu de su 15 de su mesi de làmpadas de su 2012. Po pigai prus scedas intrai in su giassu de sa Fondatzioni Giuseppe Dessì.