"Is fillus de mudesa tenint babus e mamams chi tzerriant a su mundu intreu". In Tàtari manifestada in solidariedadi a is personis autisticas

(IlMinuto) – Casteddu, 29 de su mesi de martzu - Est stétia promòvia de s'Anpa (Assótziu Natzionali Personis Autisticas) sa caminada cun is fracas chi s'at a sboddiai in Tàtari su 2 de su mesi de arbili po sa Diri Mundiali po s'Autismu bófia de s'Onu. Sa manifestada "Is fillus de mudesa tenint babus e mamas chi tzerriant a su mundu intreu" at a tucai a is 20.00 de su Policlinicu tataresu de s'arburada Itàlia, innoi a is 18.00 ant essi donadas is fracas chi ant a sighiri su caminu chi at a passai po arruga Sardigna, arruga de is Milla, arruga Manno, po atravessai Cursu Margaida de Savoia, s'"emiciclo" Garibaldi, fintzas a artziai in Pratza de Itàlia, aundi de su palcu is espertus e is babus e mamas atressu de is testimónias isoru ant a donai a is ant pigaus parti istrumentus po atuai. S'acabu de "Is fillus de mudesa tenint babus e mamas chi tzerriant a su mundu intreu" est prevìdia po is 23.00 cun su bolu de is palloncinus biancus, messagiu de ispériu e acasàgiu chi su mundu amutullonau de s'autismu fait a is istitutzionis e a genti.