Imparu: cumentzant is cursus de língua albanesa e roma de Alfabetu de su Mundu

(IlMinuto) – Casteddu, 15 de su mesi de martzu - "Imparai una língua est comenti fabricai unu ponti". Est custu su pentzu chi de su 2008 fait movi s'Assótziu Alfabetu de su Mundu a aprontai unu númeru mannu de cursus de língua. De su 23 de su mesi de martzu is letzionis aprontadas de s'assótziu ant a aumentai: at essi difatis possíbili sighiri is letzionis de língua albanesa e de língua rom. "Is maistus, ambadus de língua de lati - si ligit in d-una nota de imprenta - assigurant una connoscéntzia perfeta de sa língua italiana e s'abilesa a imparai sa língua e calecuna curiosidadi asuba de sa cultura e de is traditzionis de su logu insoru". Is cursus s'at a fai in sa domu de su Tzentru Culturali S.Eulalia, in "vico" de su Collégiu 2, in Casteddu. Po ndi sciri de prus intrai in su giassu www.alfabetodelmondo.it o scriri a s'indiritzu e-mail: info@alfabetodelmondo.it.