Mostras: in su Man de Nùgoro is bisionis artisticas de Primo Pantoli

(IlMinuto) – Casteddu, 21 de su mesi de martzu - Est stétia inaugurada cenàbara 16 de su mesi de martzu, in is aposentus de su Man de Nùgoro, sa mostra de Primo Pantoli "Primo a su 2012". S'artista est intre de is babus de importantis grupus de vànguardia in Sardigna, intre custus Istudiu '58 in su 1958, Grupu de Iniziativa in su 1961, e Tzentru de Cultura Democràtica in su 1967. S'aparada fait parti de su progetu Soluchefera, chi at a ocupai po totu s'annu su pranu de bàsciu de su Museu cun d-una fibera de mostras personalis chi tenint comenti protagonistas un'inzénneru intreu de artistas. Personalidadis chi in su tempus andau ant pigau parti in manera ativa a sa circa artistica contemporanea de sa Sardigna. "Primo a su 2012" s'at a podi amirai fintzas a su 15 de su mesi de arbili.