"No a is supermercaus obertus de domínigu. Sa protesta de Cgil, Cisl e Uil a faci de sa Rinascenti

6 Martzu 2012
Image
centri-commerciali-300x164.jpg


(IlMinuto) – Casteddu, 6 de su mesi de martzu – Su 4 de su mesi de martzu passau is traballadoris e is traballadoras de su cumértziu si funt movius in protesta contra a is oberturas de su domínigu, de is festivus e po s'oràriu fatu de file pari de is butegas e de is supermercaus. In Sardigna ant pigau parti a sa mobilitada promòvia de s'"European Sunday Alleance" is sindacaus de categoria Cgil, Cisl e Uil. Is organizatzionis sindacalis ant donau paperis contra a is liberalizatzionis de is oràrius fata de su Guvernu Monti a faci de sa Rinascenti de bia Roma, in Casteddu. "Is traballadoris de su cumértziu - si ligit in d-unu comunicau contra a is liberalizatzionis de is oràrius in is supermecaus - isperant in s'individuatzioni de arrégulas seguras, chi pighendi in cunsidériu is abisóngius de totus, potzant assegurai sa gosura de unu discàntziu legítimu po dedicai tempus a sei, a sa família e a is amigus. Custa liberalizatzioni foras de contu no fait postus de traballu".



© RIPRODUZIONE RISERVATA