Sanidadi: a letzioni cun s'Asarp, is cursus po su 2012

5 Martzu 2012
Image
arsap-300x69.jpg


(IlMinuto) – Casteddu, 5 de su mesi de martzu - De unus cantu annus s'Assótziu sardu po s'atuatzioni de sa reforma pschiàtrica, impari a sa coperativa sotziali Asarp Unu, faint un'atividadi de imparu manna po is familiaris, is utentis, isvolonteris e is operadoris chi traballabt in totu su territóriu de sa Sardigna in su campu de is serbítzius de sa saludi mentali. Puru po su 2012 is entis presentant sa proposta formativa insoru. In programa diversus cursus. Su primu, apitzus de sa "residenzialità", s'at a tenni su 10 de su mesi de martzu de su 2012 i est po operadoris de is istruturas residentzialis e de is serbítzius territorialis de sa saludi mentali. Su segundu cursu s'at a sboddiai de su 15 a su 17 de su mesi de martzu, e su tema at a essi "Cumprendi is boxis e traballai po sa sanadura".Su ciclu de is letzionis at a lompi a destinatzioni cun su terzu cursu, chi s'at a fai su 13 e su 14 de su mesi de arbili e at a acabai cun sa setzioni "Càrrigu Familiari e strobu mentali", po is familiaris, is utentis, is volonteris e is operadoris. Totus is ofertas de imparu funt a gratis, ma po arrexonis organitzadoras est netzessàriu pediri de s'iscriri assumancu cincu diris primu de sa data de cumintzu de is fainas. Su ciclu de letzionis tenit s'apógiu de sa Asl 8 de Casteddu, de sa Provìntzia de Casteddu e de sa Regioni Autónoma de Sardigna - Assessorau de s'Igieni, Sanidadi e de s'Assótziu sotziali.




© RIPRODUZIONE RISERVATA
Tags