Segundu atopu cun "Istória e istórias". A letzioni cun Consuelo Costa

9 Martzu 2012
Image
Storia-e-storie-300x199.jpg

(IlMinuto) – Casteddu, 9 de su mesi de martzu - Est lompia a sa segunda editzioni "Istória e istórias", ciclu de atóbius chi fueddant de s'istória de sa Sardigna. Sa manifestada culturali, nàscia de una bidea de assótziu Khorakhané, in su 2012 dedicat s'atentzioni sua a su raportu incolliosu intre Sardigna e Risorgimentu. Ant essi dexi is letzionis de custa editzioni. Sàbudu 10 de su mesi de martzu a is 18.00, in is aposentus de s'ex Montegraticu de Nuràminis, saina formativa previdit s'interventu de Cosuelo Costa, sperta in Istória Moderna e Contemporanea e archiviadora. Costa at a amostai comenti in is annus de su Risorgimentu una perra de is intelletualis sardus "at fatu una revisioni de s'istória de sa Sardigna, donendi unu cuntributu a su fàbricu de su cuntzetu de natzioni sarda". Totu is letzionis prevìdias po "Istória e istórias" ant a benni torradas propòniri de Única Aràdiu, sa web aràdiu de s'Universidadi de Casteddu e s'ant podi scàrrigai in formau podcast de su giassu internet de s'emitenti.


© RIPRODUZIONE RISERVATA