In Tàtari protesta de is traballadoris de su cumértziu contra a obertura de su domínigu

‎(IlMinuto) – Casteddu, 5 de su mesi de martzu - Si lamat "Salva Itàlia" su decretu chi at permìtiu a su Guvernu de oberri s'istrada a sa liberalizatzioni e chi at serrau is ecas a su domínigu de is traballadoris de su cumértziu. Cun sa tucada de is liberalizatzionis, difatis, is tzentrus cumertzialis ant a podi oberri totus is domínigus, custringiendi a is traballadoris a turnus de macus po lassai obertas is ecas a is supermercaus. Su motivu est custu: donai imbagas prus mannas a is clientis de fai còmporas, fai girai su dinai chi cumentzat a mancai in is càscias de is supermercaus. Po custu domínigu 4 de su mesi de martzu is sindacaus Filcams Cgil, Fisascat Cusl e Uil Uiltucs ant avisau unu pichetu in s'intrada de sa tzitadi de Tàtari, acanta de s'area industriali, domu de tzentrus mannus de su cumértziu, ma acata puru de su tzentru istóricu tataresu. Is cusseguéntzia de s'obertura de su domínigu, difatis, ant a ferri a is traballadoris e a is traballadoras, e puru a is butegas de su tzentru giai postus mali po mori de sa crisi e de sa cuncurréntzia po nudda aguali cun is tzentrus mannus meda de su cumértziu.