Avenimentus: in Cala Gonone su primu "whale watching"

(IlMinuto) – Casteddu, 11 de su mesi de arbili - A cumentzai de su mangianu de domínigu 15 de su mesi de arbili at essi possíbili amirai de acanta is balenas chi s'acostanti a sa costera orientali de s'ísula cun d-una scampirrada de "whale watching" aprontada de s'assessorau Isvilupu Calidadi Ambientali cun s'agiudu de s'assótziu Terrestris. Tuchendi de Cala Gonone s'at a tenni sa possibilidadi de castiai a is balenas in su habitat naturali insoru chentza de ddis strumbullai s'assébiu e sa trancuillidadi. Po ndi sciri de prus scriri a s'indiritzu: online@altervista.org