In Donigala Fenugheddu sa IX editzioni de sa Sagra de sa Mèlina

(IlMinuto) – Casteddu, 24 de su mesi de arbili – Lompit ocannu a sa IX editzioni sa Sagra de sa Mèlina de Donigala Fenugheddu. Sa festa de sa petza de bóinu de ratza múrinu sarda, aprontada de su comitau de is afestus de Santu Antonicu Obiscu e de sa crannetzeria Gianni Demuro, s'at a sboddiai domínigu 6 de su mesi de maju. A is 10.30 ant essi is aposentus de sa cantina sotziali de sa Crannàcia a cumentzai sa manifestada, acasigendi un'atóbiu dedicau a su tema. A su cunvegnu ant a pigai parti su presidenti mèlina Giuseppe Pulina e is professoris Rassu e Nieddu. At a acabai is traballus s'Assessori a su Turismu de sa Provìntzia de Aristanis Gianfranco Attene. Agoa ddoi at essi s'aperienti cumbidau de sa cantina sotziali, a is 13.30 s'at a papai in sa pratza de sa Crésia cun d-unu prantzu totu fatu de petza Mèlina. Ant a serrai s'avenimentu is ballus in pratza, chi ant a cumentzai a tucai de is 16.00. Po ndi sciri de prus telefonai a su númeru: 078333430