Ghetau su bandu po is contrubutus po sa manifestada de s'agroalimentari Sial 2012

(IlMinuto) – Casteddu, 5 de su mesi de arbili - Cun s'iscopu de promòviri s'imprenditoria agricula de is giòvunus, su Ministeru de is políticas agriculas alimentaris e forestalis donat unu contributu a is imprenditoris giòvanus de su cumpartu, po pigai parti a sa manifestada fieristica de s'agroalimentari Sial 2012, chi s'at a tenni in Parigi de su 21 a su 25 de su mesi de ledaminis de su 2012. Ant a podi pigai parti a sa manifestada parigina 50 impresas sardas. Is dimandas ant a depi essi imbiadas atressu de racumandada cun arricida de torrada intru de su 16 de su mesi de arbili de su 2012 a sa Diretzioni generali de sa "competitività" po s'isvilupu rurali - Ofítziu Cosvir 5, arruga XX settembre 20, 00187 Roma. "Is bincidoris de su bandu - si ligit in d-una nota de imprenta - ant a tenni diritu a unu logu po s'espositzioni insoru aintru de su stand de s'Osservatóriu po s'Imprenditorialidadi de is giòvunus in sa messarítzia".