In Igrèsias sit in contra a sa serradura de su tzentru trasfusionali de sa tzitadi

(IlMinuto) – Casteddu, 11 de su mesi de arbili - S'est sboddiendi de is 9.00 de custu mangianu, a foras de s'ispidali Santa Brabara de Igrèsias, unu sit in de protesta aprontau de s'Avis tzitadina contra a sa delíbera Asl chi previdit sa serradura de su tzentru trasfusionali. In sa tzitadi provìntzia de su uercis at a abarrai una saba de pigada de su sànguni scéti, s'at a assisti puru a sa supressioni de su laboratoriu anàlisi e is scortas de sànguni ant essi trasladadas in s'ispidali Sirai de Crabònia, cun sa cunseguenti gestioni de is apretus chi at essi donada a curreus chi ant a fai s'andetorra intre is duas tzitadis, creendi discumbénius mannus a is igresientis. "Cumentzat aici - si ligit in d-una nota de s'Avis - un'incertesa noa de sa sanidadi igresienti, cun d-una mutilatzioni de su serbítziu, chi previdit ca su Tzentru trasfusionali bengat unificau a su de Crabònia".