A sa VII editzioni sa Sagra "Su Pani Arrubiu" de Tuili

(IlMinuto) – Casteddu, 23 de su mesi de arbili - Est po domínigu 29 de su mesi de arbili in Tuili s'atopu cun sa VII editzioni de sa Sagra de "Su Pani Arrubiu", ispetzialidadi de sa bidda de su Campidanu de Mesu. Pabassa e tzafanau funt is ingredientis printzipalis de custa dilítzia, fata, comenti bolit sa traditzioni, po sa festa de Santu Antiogu, su segundu lúnis a pustis de Pascamanna. No scéti Pani arrubiu in Tuili. Sa manifestada previdit difatis puru unu cunvegnu dedicau a unu de is temas prus importantis de su mamentu: s'impitu de is energias rennovàbilis in is tzentrus istóricus. Su dibàtidu at a cumentzai a is 10.00 in is aposentus de su palatzu Asquer. A pustis de is saludus de su síndigu Antonino Zonca e de su presidenti de sa Provìntzia de su Campidanu de Mesu Fulvio Tocco, is traballus s'ant a oberri cun is relatus de Pietro Paolo Spada de sa "Confartigianato", Maria Letizia Mereu de sa Sesco, Antonella Sanna de sa Subrintendéntzia a is Benis Culturalis e de Giuseppe Desogus de su Dipartimentu tzivili, de s'Universidadi de is Istudius de Casteddu.