Teatru. "S'ingegneri Gadda andat a sa gherra" in iscena in su Massimu de su 25 de su mesi arbili

(IlMinuto) – Casteddu, 18 de su mesi de arbili - Tenit comenti títulu "S'ingegneri Gadda andat a sa gherra", s'ispetàculu chi, in su contestu de sa ressegna de sa Prosa Manna in su Teatru Massimu, at a andai in iscena a tucai de su 25 de su mesi de arbili chi benit, a is 20.45, in is sabas de arruga De Magistris in Casteddu. Po sa regia de Giuseppe Bertolucci, s'òpera teatrali nascit de un'idea chi Fabrizio Gifuni at pentzau partendi de is òperas de Carlo Emilio Gadda e William Shakspeare. Protagonista assolutu de su palcu at essi própriu Gifuni, chi in su bistiri de primu atori, at mandai ainnantis unu cunsidériu asuba de sa trasformatzioni de s'Itàlia in is úrtimus 40 annus. S'ispetàculu, chi in su 2010 at otentu deversus prémius, intre is calis su Prémiu Ubu po s'atori prus bravu e cussu po s'ispetàculu mellus, at essi repitiu a su Massimu fintzas a su 29 de su mesi de arbili.