Tucat su seminàriu internatzionali aprontau de su Dipartimentu de Filologia, Literadura e Linguistica de s'Universidadi de is Istudius de Casteddu

(IlMinuto) – Casteddu, 26 de su mesi de arbili - Tenit comenti títulu "Pre-giornalismu, literadura populari. Línguas, testus e culturas in s'edadi moderna". Su seminàriu s'at a tenni in s'àula 10 de sa Facoltadi de Líteras de s'Universidadi de Casteddu oi e su 27 de su mesi de arbili. Sa proposta, aprontada de su Dipartimentu de Filologia, Literadura e Linguistica de s'ateneu casteddaiu cun s'agiudu de sa Sociedad Internacional para el estudio de las Relaciones de sucesos e L'Arxiu de Tradicions de l'Alguer, presentat unu programma arricu de interventus. Su seminàriu at a cumentzai gióbia a merì a is 16.00, po sighiri su mengiau infatu. Medas is chi ant a pigai parti: Henry Ettinghausen dell'University of Southampton, Carmen Espeyo Cala dell'Universidad de Sevilla, Jorge García Lopez dell'Universitat de Girona, Francesca Leonetti e Marcial Rubio Árquez de s'Universidadi Gabriele D'Annunzio de Chieti-Pescara, Tonina Paba, Gabriel Andrés Renales, Joan Armangué i Herrero, M.Dolores García Sánchez de s'Universidadi de is Istudius de Casteddu e Marta Galinanes de is Istudius de Tàtari.