Villas e campus de golf nous in Is Molas? Su no de su Grupu de interventu giurídicu e Amigus de sa Terra

(IlMinuto) – Casteddu, 4 de su mesi de arbili – "Tocat a dda acabai cun is villas in Is Molas. Su cumbéniu po sa lotizatzioni est decaiu de tempus meda". Est cantu scrirint in d-una nota is assótzius ambientalistas Grupu de interventu giurídicu e Amigus de sa Terra. "Sa Is Molas spa (Grupu Colaninno) - acrarant is assótzius - est in punna de fai àteras domus privadas e istruturas de acasàgiu po 300milla metrus cubus e prus [...] (chi ant a andai a s'assumai a is pagu prus de 100milla metrus cubus chi giai ddoi funt), campus de golf, serbítzius isportivus […]". Su progetu at arriciu un'avaloramentu de efetu ambientali positivu, ma su cumbéniu de lotizatzioni datau 1975 - narant is duas organizatzionis - est decaiu in su 1985 e duncas su progetu andat frimau. Po custu su Gig e is Adt ant fatu, unus cantu de diris fait, una dimanda de scedas ambientalis noas a su Comunu de Pula e a sa Diretzioni generali regionali de sa Programatzioni e de sa Vigilàntzia edilizia.