Avenimentus. A sa XXVI editzioni sa "Sagra de su Binu" de Atzàra

(IlMinuto) – Casteddu, 8 de su mesi de maju - Lompit a sa XXVI editzioni sa "Sagra de su Binu" de Atzàra. S'avenimentu de s'Assótziu Turisticu Pro loco de Atzàra cun s'agiudu de s'Aministratzioni Comunali, s'at a tenni su 12 e su 13 de su mesi de maju chi benit. Sa manifestada s'at a oberri uficialmenti a is 17.00 in is aposentus de s'ex Ísula cun su cunvegnu-dibàtidu "Calidadi ambientali e genetica, elisir de vida longa". A chistionai de su tema ant essi unus cantu istudiosus de su Crs4-Cnr, mentris s'agronomu Orazio Locci at a fueddai de "Amparu e avaloramentu de sa bingia de monti". At a sighiri a is 18.30 "Ampudda de s'annu", cuncursu enologicu chi at a premiai is binus prus bellus de custa editzioni. Su domínigu at essi allirgau cun d-unu viàgiu atressu de is arrugas de su tzentru istóricu de sa bidda, a s'iscoberta de su binu de is produtoris de su logu. Su caminu no at essi fatu scéti de binu e de cosa de papai, ma ddoi assi puru s'artesanau, sa música, s'arti e sa cultura. Po ndi sciri de prus telefonai a su númeru: 3393561113 o scriri a: prolocoatzara@tiscali.it