Intre Senis e Crucùris arribat "Gustus de Marmidda"

(IlMinuto) – Casteddu, 2 de su mesi de maju - Est stétiu batiau "Gustus de Marmidda" sa primu editzioni de su progetu aprontau e nàsciu de una bidea de su Cunsórtziu Duas Giaras chi s'at a sboddiai su 12 e su 13 de su mesi de maju intre Senis e Crucùris. Candu su sciri fai traditzionali si coiat cun s'innovatzioni si donant is nàscidas a duas diris in nòmini de sa cultura e de sa cosa de papai, aundi is protagonistas funt is prodotus de sa traditzioni culinària de sa Sardigna. "Gustus de Marmidda" si movit atressu de diversus binàrius. Su 12 e su 13 de su mesi de maju ant essi difatis diris cun avenimentus meda, ddoi ant essi seminàrius, atastus e butegas de coxina. Sa manifestada, si ligit in d-una nota de imprenta, "previdit una bera e própriu festa de is saboris e de is prufumus de su pani de saba, de s'ollu de obia, de is ménduas cultivar arrúbia, de is tzintzigorrus, de su trigu “Cappelli”, de su cocoi a pitzus, de sa cibudda arrúbia e de sa pibadra". Tutus prodotus chi ant a ispirai s'arti culinària de is coxineris e de is chef aici comenti ant a ispirai is fueddus de is espertuus in matéria de cosa de papai. Po ndi sciri de prus telefonai a su númeru: 346 304 76 20 o scriri un'e-mail a s'indiritzu: mari.carrozza@gmail.com