Istrutzioni. In su Parcu Tennológicu de Pula unu cursu asuba de is bibliotecas digitalis

(IlMinuto) – Casteddu, 10 de su mesi de maju - S'at a sboddiai de su 28 a su 30 de su mesi de maju, in su Fàbricu 2 de su Parcu Tennológicu de Pula su cursu de imparu a gratis chi tenit comenti títulu "Bibliotecas digitalis: standard, protocollu e formau", unu caminu de imparu obertu a unu númeru màssimu de 20 personis intre informaticus, bibliotecàrius e ispecialistas de s'informatzioni chi traballant in Sardigna. Su cursu - si ligit in d-una nota de imprenta - at apronfundai is temas "acapiaus a sa progetatzioni, cumprimentu e gestioni de s'architetura de is bibliotecas digitalis".