Manifestada Mps 28 de su mesi de paschixèdda de su 2010. Atrassaus a giudítziu is tres pastoris

(IlMinuto) – Casteddu, 3 de su mesi de maju - Felice Floris, Andrea Cinus e Priamo Cottu, is tres allevadoris sardus acusaus de manifestada no autorizada, agràbiu, fortilesa e tzacaduras amalescidas in is cunfrontus de is fortzas de s'órdini, ariseru 2 de su mesi de maju funt stétiu atrassaus a giudítziu de su Gup de su tribunali de Civitavecchia a pabas de sa dimanda de sa Procura de sa Repúbrica. Is tres pastoris, chi faint parti de su Movimentu Pastoris Sardus, ddu amentaus, manifestànt, impari a su movimentu de issus etotu, po denuntziai su prétziu de lu lati bàsciu meda - ingíriu de 60 centésimus a su litru - chi at arruinau su cumpartu produtivu insoru. Cabaus de is nais is allevadoris funt stétius frimaus de is fortzas de s' órdini chi ddis ant impediu de passai s'acorru de su portu, frimendu aici sa manifestada de protesta aprontada in Roma. Sa primu udiéntzia de su protzessu, ananti de su giugi "monocratico", est stétia fissada po su 15 de su mesi de ledàminis. Is tres imputaus no ant a pediri nisciunu ritu crutzu, nisciuna negoziatzioni o protzessu lestru poita bolint tenni sa possibilidadi de cumprovai in d-un'àula oberta a su públicu ca cussu mangianu de ierru ddoi est stétiu unu beru e própriu atacu in is cunfrontus de is pastoris sardus.