"Unu mestieri lamau Europa". Tucat sa IV editzioni de su cursu de Tdm 2000

2 Maju 2012
Image
corso-di-progettazione-europea-212x300.jpg


(IlMinuto) – Casteddu, 2 de su mesi de maju - Donai is cumpeténtzias netzessàrias a incarrerai una carriera in su circùitu de sa Progetatzioni europea. Est custu s'obietivu de su cursu "Unu mestieri lamau Europa", lompiu a sa Iv editzioni e aprontau, cometi sèmpiri, de s'assótziu Tdm 2000. Su cursu at a tucai cenàbara 11 de su mesi de maju in Casteddu e s'at a sboddiai - acrarat Tdm 2000 - in ses módulus fatus de espertus e professionistas. "In is sessionis - si ligit in su comunicau de imprenta - chi s'ant a tenni in cincu diris, 11/12/18/19/26 de su mesi de maju, s'at a fueddai de temas de importu mannu po su circùitu de sa Progetatzioni europea comenti su de agatai dinai, s'anàlisi de is bandus comunitàrius e sa programatzioni e gestioni de is resossas". Po pigai parti a cursu e po sceda si castit su giassu www.europm.eu



© RIPRODUZIONE RISERVATA