Avenimentus. In s'Istitutu Europeu de su Design atopu "Intrada oberta e comunicatzioni issentífica: s'istória, is pratigas e is printzipius"

(IlMinuto) – Casteddu, 25 de su mesi de làmpadas - S'at a sboddiai de is 9.15, in is aposentus de s'Istitutu Europeu de su Design in Casteddu s'atopu-dibàtidu "Intrada oberta e comunicatzioni issentífica: s'istória, is pratigas e is printzipius". Un'atóbiu, si ligit in d-una nota de imprenta, dedicau a sa "obertura líbera in sa retza de sa literadura issentífica" e a sa "possibilidadi po dógnia ligidori de ligi, scàrrigai, copiai, imprentai, distribuiri, circai, fai de is link". S'avenimentu si sboddiat aintru de su progetu Innova.re - Por Sardigna 2007-2013 e at a biri intre is reladoris: Maria Chiara Pievatolo de su Dipàrtimentu de Isciéntzias políticas e sotzialis de s'Universidadi de Pisa i Enrico M. Balli de sa Medialab. Po pigai parti a s'atopu no si pagat, ma est netzessàriu a si registrai primu in su giassu internet de Sardigna Circas