In Carluforti sa VI editzioni de Creuza de Mà

(IlMinuto) – Casteddu, 15 de su mesi de làmpadas - Est tucada ariseru in Carluforti sa VI editzioni de Creuza de Mà, su festival de tzínema e música chi at a sighiri fintzas a su 17 de su mesi de làmpadas cun d-unu programa arricu meda. Comenti sèmpiri is diris de Creuza de Mà ant a cumentzai a su meigama po serrai a su merì cun d-una fibera de atopus chi bint comenti guarnícia printzipalis is duus tzínema istóricus de sa bidda, su "Cavallera" e su "Mutua", "logus - si ligit in d-una nota de imprenta - de is proietzionis e de is atóbius". In su festival ddoi at essi logu po sa música puru cun su palcu amainau in s'Enna Lioni. Intre is nòminis de custa editzioni cumponidoris mannus de músicas po su tzínema comenti Nicola Piovani, Andrea Farri e Giuliano Taviani, is jatzistas Antonello Salis e Gavino Murgia, e su grupu Sikitikis, is registas Matteo Rovere, Giovanna Taviani e Luca Percivale, su crítigu musicali Enzo Gentile e su giornalista Curzio Maltese. Intre is mamentusprus abetaus de su festival ddoi est su de su sàbudu a merì cun su concertu de Nicola Piovani.