In Casteddu butega de culturas diversas "Mudamentus: cambiai in sa tzitadi chi cambiat"

20 Làmpadas 2012


(IlMinuto) – Casteddu 20 de su mesi de làmpadas - Est prevìdiu po sàbudu 23 e domínigu 24 de su mesi de làmpadas sa butega de culturas diversas po piciocus e piciocas de is 18 a is 30 annus. Is traballus s'ant a sboddiai in sa saba "Polifunzionale" de su Parcu de Monti Claro in Casteddu e ant a cumetzai a is 9.30 sighendi fintzas a is 19.30. "Mudamentus: cambiai in sa tzitadi chi cambiat" est aprontau de sa Coperativa Sotziali Sa Caravia. Po pigai parti a sa butega no si pagat, ma abisongiat s'iscritzioni. "Cun su trisinamentu ativu de chini s'at a iscriri - si ligit in d-una nota fata connosci de sa coperativa - s'ant a isperimentai modu diversus de amaistramentu asuba de su tema de is furesteris, asuba de is 'pregiudizi' e de is 'stereotipi' e asuba de is raportus Meridioni/Tramuntana e "s'atuai asuba de is cambiamentus e de is mudamentus de sa tzitadi nostra, e asuba de is formas noas de 'convivenza ' chi si funt isperimentendu". Po ndi sciri de prus imbiai un'emali a: associazione.terra@gmail.comlacarovana@gmail.com o telefonai a is númerus 070 500666; 340 28 20 403; 333 98 23434




© RIPRODUZIONE RISERVATA