In Casteddu cunvegnu Natzionali asuba de is Atzionis "strategiche"

(IlMinuto) – Casteddu, 18 de su mesi de làmpadas - S'at a isboddiai su 19 de su mesi de làmpadas in is aposentus de su Palatzu de is Cungressus de sa Fiera Internatzionali de Casteddu su Cunvegnu Natzionali asuba de is Atzionis "strategiche" de su Sistema sanitàriu Nou chi si depint fai intru is tre annus chi benint. At essi s'assessori de s'igeni e sanidadi e de s'assistu sotziali Simona De Francisci a amostai a chini at a pigai parti a sa cosa, is línias-ghia de su pranu triennali. Intre is reladoris ddoi ant essi: Giovanni Bissoni, Presidenti de s'Ageneas (Agentzia Natzionali po is Serbítzius Sanitàrius Regionalis); Fulvio Moirano, Diretori Ageneas e Rossana Ugenti, Diretori Generali de su Sistema de Scedas e Statisticu Sanitàriu de su Ministeru de sa Saludi. Po podi pigai parti a s'avenimentu tocat a cumpilai su módulu de iscritzioni e a ddu imbiai a s'indiritzu email: ilnuovosistemasanitario@gmail.com o atressu de fax a su 070 307749.