"Ideas Foras de s'Arbutzu". Is brebeis in s'ecunumia guspinesa

(IlMinuto) – Casteddu, 26 de su mesi de làmpadas - Est prevìdiu po su 29-30 de su mesi de làmpadas e po su 3-4 de su mesi de argilas s'avenimentu "Ideas Foras de s'Arbutzu", nàsciu de su traballu públicu-privau intre s'Aministratzioni comunali, su tzentru Naturale Apice, s'Assótziu turisticu Pro Loco Guspini e s'Agentzia Regionali po s'isvilupu de sa messarítzia Laore. Una manifestada chi bit su trisinamentu de Provìntzia de su Campidanu de Mesu, se du casifítziu Bussu, de s'Armentizia Moderna e de is diversas aziendas chi ant pigau parti a osa donendi su própriu agiudu culturali e produtivu in nòmini de "un'idea comuna de ecunumia sostenibili". "Is brebeis - si ligit in d-una nota de imprenta - funt parti de unu de is printzipalis cumpartus de s'ecunumia guspinesa". Tema coru de s'avenimentu est difatis sa brebei: "Su pastori in Guspini est una frigura de importu mannu, [...] tenit unu cabali atropologicu e culturali, no scéti económicu, difatis, in su 2004, su 'Pastoralismo' at otentu s'arreconoscimentu de s'Unesco". Unu programa arricu de propostas, su guspinesu, chi andat de s'anàlisi issentífica i económica de s'allevamentu, argumentu coru de su cunvegnu de su 20 de su mesi de làmpadas, chi tenit comenti títulu "Bagas sostenibilis in sa 'filiera' de s'allevamentu de is brebeis e de is cabras", a s'avaloramentu de is prodotus de sa 'filiera' produtiva.