Infertus 6: in Casteddu atopu cun Nacho Carbonell

(IlMinuto) – Casteddu, 12 de su mesi de làmpadas - S'at a tenni sàbudu 16 de su mesi de làmpadas a is 19.00 in is aposentus de su Thotel s'atopu cun Infertus 6, progetu finantziau de sa Fondatzioni Bancu de Sardigna "chi tenit s'iscopu de promòviri in sa tzitadi de Casteddu bagas de atopu, cunfrontu e circas cun artistas de importu internatzionali". Protagonista mannu de Infertus 6 at essi Nacho Carbonell, chi giai de s'edadi de 28 annus tenit su títulu de Designer of the Future, títulu donau de sa giuria de Design Miami/Basel, tzitadi aundi in su 2011 at progetau su Playground Closes at Dusk, unu parcugiocus "sensoriale" aparau a s'intrada de su padiglioni de sa fiera.