Lompit a sa IV editzioni "Sonos de Fogu", sa manifestada culturali de s'assótziu Artisende de Utieri

(IlMinuto) – Casteddu, 22 de su mesi de làmpadas - Lompit ocannu a sa IV editzioni "Sonos de Fogu", sa manifestada culturali nàscia de una bidea de s'assótziu Artisende e aprontada cun su cuntributu de su Comunu de Utieri, de sa Provìntzia de Tàtari, de s'Unioni de is Comunus de su Logudòro, de sa Banca de Tàtari e cun s'agiudu de sa Retza Italiana de Cultura Populari, de s'assótziu Pro Loco Utieri e de s'istitutzioni Santu Miali. Ma ita est "Sonos de Fogu"? Est una manifestada pentzada cun s'iscopu de torrai a fai bivi una festa antiga chi torrit a bogai a foras is traditzionis passadas comenti sa de "is foghidonis" (Fogus de Santu Giuanni), su rituali de su santuanni chi si movit ingíriu de su fogu chi limpiat e trasformat in cinusu totu su chi est mali". S'avenimentu, giai afestau martis passau, candu at tentu comenti palcu su tzentru istóricu de Utieri, torrat cras cun d-una location noa, sa catzixedda de Punta Idda, aundi totus is Comunus chi pigant parti a sa Festa de is Fogus de Santu Giuanni "ant a creai una diri de acabu impari a is performer e a is istudiosus de is comunidadis trisinadas. Ingíriu a is Fogus, in passau comenti oi, s'at a sboddiai sa tzerimónia de su santuanni: su sàrtidu de su foghidoni innoia duas personis, pighendusì po manu, brincant is fracas e unint aici is sortis insorus diventendi 'gopais'".